)ایف آئی اے امیگریشن نے گداگری کے غرض سے سعودی عرب جانے کی کوشش کرنے والی دو خواتین مسافروں کو آف لوڈ کر دیا۔گرفتار مسافروں کی شناخت عیشاء دیوی اور نیشو کماری کے نام سے ہوئی ۔ایف آئی اے حکام کے مطابق گرفتار خواتین وزٹ ویزے پر سعودی عرب جا رہی تھیں۔ابتدائی تفتیش کے مطابق گرفتار خواتین بھیک مانگنے کے غرض سے سعودی عرب جا رہی تھیں۔ملزمہ عیشاء دیوی کا نام اسٹاپ لسٹ میں شامل تھا۔ملزمہ اس سے قبل بھی سعودی عرب بھیک مانگنے میں ملوث رہی ہے۔ملزمہ کو اس سے قبل سعودی عرب پولیس نے بھیک مانگنے پر گرفتار کیا تھا اور گرفتار کر کے پاکستان ڈیپورٹ کیا تھا۔حکام کے مطابق ملزمہ نیشو کماری سعودی عرب جانے کے حوالے سے حکام کو مطمئن نہ کر سکی۔ملزمہ کے پاس سفری اخراجات کے حوالے سے بھی رقوم موجود نہ تھی۔گرفتار خواتین کا تعلق کراچی سے ہے۔ملزمان کو گرفتار کر کے اینٹی ہیومن ٹریفکنگ سرکل کراچی منتقل کر دیا گیا ہے اور ان سے مزید تفتیش جاری ہے۔
