کراچی ) کلفٹن پولیس نے ایس او مومن آباد ٹریفک سیکشن کو تیز رفتاری سے گاڑی چلانے کے دوران سوزوکی پک کو عقب سے ٹکر مارنے اور اس کے نتیجے میں ڈرائیور کی ہلاکت کے الزام میں گرفتار کرلیا ، پولیس نے ایس او کے خلاف قتل خطا سمیت دیگر دفعہ کے تحت مقدمہ درج کرلیا ، پولیس نے متوفی کے بھتیجے کی مدعیت میں مقدمہ درج کرلیا ، حادثہ منگل کی شب پیش آیا جبکہ حادثے کے زمہ دار ایس او مومن آباد ٹریفک سیکشن شاہد ہنگورو کی جائے وقوعہ پر بھاری مالیت کی گاڑی میں بیٹھے ہوئے بات چیت کرنے کی موبائل فون سے بنائی گئی ویڈیو بھی سوشل میڈیا پر وائرل ہوگئی ، اس حوالے کلفٹن پولیس سوزوکی ڈرائیور کی ہلاکت کا مقدمہ نمبر 01 سال 2025 بجرم دفعات 320 اور 427 کے تحت متوفی شوکت کے بھتیجے کی مدعیت میں درج کرلیا جس میں قتل خطا کی دفعہ 320 کو بھی شامل کیا گیا ہے ، مقدمے میں ایس او پر غفلت و لاپروائی سے گاڑی چلانے کا الزام عائد کیا گیا ہے جبکہ گرفتار ایس او مومن آباد کو انویسٹی گیشن پولیس کے حوالے کر دیا ، گرفتار ایس او انسپکٹر شاہد ہنگورو اپنی ڈیوٹی ختم کر کے واپس گھر جا رہا تھا کہ انڈر پاس کے قریب کھڑی ہوئی خراب سوزوکی پک اپ کو تیز رفتاری کے باعث عقب سے ٹکر ماری تھی جبکہ شاہد ہنگور گزشتہ کئی سالوں سے سیکشن آفیسر تعینات ہے ، حادثے کے بعد جائے وقوعہ پر موجود شہری کی جانب سے حادثے کے ذمہ دار سیکشن آفیسر شاہد ہنگورو کی ڈرائیونگ سیٹ پر بیٹھے ہوئے کی موبائل فون سے بنائی گئی ویڈیو بھی سوشل میڈیا پر وائرل ہوگئی جس میں وہ بولتے ہوئے سنائی دیئے کہ ایکسیڈنٹ ہوگیا تو ہوگیا ۔ک
