ایڈیشنل آئی جی کراچی جاوید عالم اوڈھو کا نارتھ کراچی ایسوسی ایشن آف ٹریڈ اینڈ انڈسٹری (NKATI) کا دورہ
ایڈیشنل آئی جی کراچی جاوید عالم اوڈھو نے بطور مہمانِ خصوصی نارتھ کراچی ایسوسی ایشن آف ٹریڈ اینڈ انڈسٹری (نکاٹی) کا دورہ کیا۔ اجلاس میں ڈی آئی جی ویسٹ، ایس ایس پی سینٹرل اور دیگر پولیس افسران نے شرکت کی۔
نکاٹی کے عہدیداران اور ممبران نے پولیس چیف کا پرتپاک استقبال کیا۔ اجلاس کے دوران کراچی میں امن و امان کی مجموعی صورتحال اور جرائم کی روک تھام کے حوالے سے تفصیلی تبادلہ خیال کیا گیا۔ نکاٹی کے ممبران نے پولیس چیف کی قیادت میں جرائم کی روک تھام کے لیے کیے گئے اقدامات اور ان کے مثبت نتائج کو سراہا۔
ایڈیشنل آئی جی کراچی نے اپنے خطاب میں نکاٹی کے ممبران کا شکریہ ادا کرتے ہوئے اس عزم کا اظہار کیا کہ پولیس بزنس کمیونٹی کے مسائل کے حل کو اولین ترجیح دے رہی ہے۔ انہوں نے اس بات پر زور دیا کہ تاجر برادری کے تحفظ اور کاروباری ماحول کو مزید مستحکم بنانے کے لیے تمام ممکنہ اقدامات کیے جا رہے ہیں۔
اجلاس کے دوران خواجہ اجمیر نگری میں بہادری سے ملزمان کا مقابلہ کرنے والی پولیس ٹیم کو خصوصی طور پر سراہا گیا۔
اختتام پر نکاٹی کے عہدیداران نے پولیس چیف اور دیگر افسران کو اعزازی شیلڈز اور گلدستے پیش کیے اور ان کی کاوشوں کو سراہتے ہوئے نیک خواہشات کا اظہار کیا۔
