*قلات میں فورسز کی کارروائی، 12دہشت گرد جہنم واصل، مقابلے میں ایف سی کے 18 جوان شہید*
بلوچستان کے علاقے قلات میں سیکورٹی فورسز نے 18 دہشت گردوں کو جہنم واصل کر دیا جبکہ مقابلے میں ایف سی کے 18 بہادر جوانوں نے جام شہادت بھی نوش کیا۔
پاک فوج کے شعبہ تعلقات عامہ آئی ایس پی آر کے مطابق قلات کے علاقے منگوچر میں سیکورٹی فورسز نے کارروائی کی جس میں قانون نافذ کرنے والے اداروں نے بھی حصہ لیا۔
آئی ایس پی آر کے مطابق سیکورٹی فورسز نے کارروائی دہشت گردوں کے روڈ بلاک کرن ےکی کوشش پر کی، کارروائی کے دوران 12 دہشت گرد ہلاک ہوئے جبکہ منگوچر آپریشن میں دہشت گردوں سے بہادری سے لڑتے ہوئے ایف سی کے 18 جوان شہید ہوگئے۔
پاک فوج کے شعبہ تعلقات عامہ کے مطابق 31 جنوری اور یکم فروری کی رات دہشت گردوں نے روڈ بلاک کرنے کی کوشش کی، سیکورٹی فورسز اور قانون نافذ کرنے والے ادارے فوری متحرک ہوئے اور سیکورٹی فورسز نے دہشت گردوں کے مذموم عزائم کو کامیابی سے ناکام بنایا۔
آئی ایس پی آر کا بتانا ہے کہ مقامی آبادی کے تحفظ کو یقینی بناتے ہوئے 12 دہشت گردوں کو ہلاک کیا گیا، دشمن قوتوں کی ایماء پر دہشت گردی کا مقصد بلوچستان کا پُرامن ماحول خراب کرنا تھا۔
پاک فوج کے شعبہ تعلقات عامہ کا کہنا ہے کہ گھناؤنے بزدلانہ فعل کے مرتکب اور سہولت کاروں کو انصاف کے کٹہرے میں لائیں گے، قلات کے علاقے منگوچر میں کلیئرنس آپری18شن جاری ہے۔
