کراچی( )ایف آئی اے اینٹی ہیومن ٹریفکنگ سرکل کراچی نے جعلی دستاویزات کے بنیاد پر ویزا حصول میں ملوث مفرور ملزم کو گرفتار کر لیا۔ملزم فراڈ اور جعلی دستاویزات کی تیاری میں ملوث ہے۔ملزم کی شناخت کاشف امین کے نام سے ہوئی ہے۔حکام کے مطابق ملزم پر سال 2024 میں جعلی سفری دستاویزات فراہم کرنے کا الزام پر مقدمہ درج کیا گیا تھا۔ملزم نے شہری کو امریکہ وزٹ ویزا حصول کے لیے جعلی کاغذات مہیا کیے تھے۔ ملزم نے شہری کو 3 لاکھ 50 ہزار روپے کے عوض امریکی کمپنی کی جعلی دستاویزات فراہم کیں اور شہری کو پاکستانی کمپنی میں ملازمت کی دستاویزات بھی فراہم کیں ۔امریکی قونصلیٹ کراچی نے مذکورہ جعلسازی کی نشاندہی کی تھی۔ملزم کے خلاف کارروائی امریکی قونصلیٹ کراچی کی درخواست پر عمل میں لائی گئی۔ملزم گزشتہ سال سے مفرور تھا اور اس کا نام اسٹاپ لسٹ میں شامل تھا۔ملزم گزشتہ روز کینیڈا سے کراچی پہنچا جہاں امیگریشن کے دوران اس کے کوائف IBMS سسٹم میں ہٹ ہوئے۔ ملزم کو گرفتار کر کے تفتیش کا آغاز کر دیا گیا ہے۔
