*کراچی میں کرکٹ میچز کے حوالے سے جامع سیکیورٹی انتظامات؛ پولیس، ایس ایس یو اور دیگر قانون نافذ کرنے والے اداروں کے 5000 سے زائد اہلکار تعینات*
کراچی میں ہونے والی سہ ملکی کرکٹ سیریز کے تحت نیشنل بینک اسٹیڈیم کراچی میں ہونے والے میچز کے لیے سیکیورٹی انتظامات کے حوالے سے جامع سیکیورٹی پلان مرتب کر لیا گیا ہے۔
سہ ملکی کرکٹ سیریز 2025 کراچی میں نیشنل بینک کرکٹ اسٹیڈیم میں میچز کے شیڈول کے مطابق 12 اور 14 فروری کو میچز کھیلے جائینگے۔
سیکیورٹی پلان کے مطابق مجموعی طورپر 5000 پولیس اہلکارسیکیورٹی کے فرائض انجام دیں گے۔ ایس ایس یو کے 620 کمانڈوزبشمول لیڈی کمانڈوز سمیت سیکیورٹی ڈویژن کے 1220، ٹریفک پولیس کے 1390، اسپیشل برانچ کے 280 اور ڈسٹرکٹ پولیس کے اہلکار دیگرقانون نافذ کرنے والے اداروں کے ساتھ نیشنل بینک کرکٹ اسٹیڈیم، کراچی ایئرپورٹ، روٹس، پارکنگ پوائنٹس، ہوٹلز اور دیگر مختلف مقامات پر ڈیوٹی سر انجام دے رہے ہیں جبکہ ماہر نشانہ باز بھی حساس مقامات پر تعینات ہیں۔
جدید تربیت یافتہ کمانڈوز پر مشتمل اسپیشل ویپن اینڈ ٹیکٹکس (S.W.A.T) ٹیم کسی بھی ہنگامی صورتحال سے نمٹنے کے لیے الرٹ رہے گی اور اسٹیڈیم کے اطراف گشت پر بھی مامور ہوگی۔ ایس ایس یو کی خصوصی کمانڈ اینڈ کنٹرول بس اسٹیڈیم کے اطراف امن و امان کی نگرانی کے لیے تعینات کی جائے گی۔
ایس ایس یو کی خصوصی کمانڈاینڈکنٹرول بس اسٹیڈیم کے اطراف امن و امان کی نگرانی کے لیے اسٹیڈیم پرتعینات ہوگی۔
*ضروری ہدایات برائے شائقین*
• اسٹیڈیم کے اطراف تمام سڑکیں ٹریفک کی آمدورفت کے لیے کھلی رہیں گی.
* نیشنل بینک اسٹیڈیم میچ دیکھنے آنے والے شائقین کے لیے اسٹیڈیم سے متصل چائنہ گراؤنڈ میں گاڑیوں اور موٹر سائیکلوں کی پارکنگ کا انتظام کیا گیا ہے۔
* جبکہ وی آئی پیز اور خصوصی پاسز کی حامل گاڑیوں کی پارکنگ اسٹیڈیم کے اندر رکھی گئی ہے۔
* اسٹیڈیم میں داخلے کے لیے صرف مرکزی گیٹ اور گیٹ نمبر 12، 13 اور 14 استعمال کیے جا سکے گیں۔ اسکے علاوہ تمام گیٹس تماشائیوں کے داخلے کے لیے بند رہیں گے۔
* صرف وی آئی پیز اور اسٹیکر/پاسز کی حامل گاڑیاں گیٹ نمبر 8 سے داخل ہوسکیں گی۔
* نیشنل بینک اسٹیڈیم کے تمام گیٹ میچ کے شروع ہونے سے 3 گھنٹے پہلے کھول دیے جائیں گے۔
* تماشائی و ہر ٹکٹ ہولڈر کو اپنا اصل قومی شناختی کارڈ اور ٹکٹ/میچ پاس کارڈ (اصل) دکھانا ضروری ہوگا۔
* اسٹیڈیم میں داخل ہونے کے لیے اپنا اصل قومی شناختی کارڈ لازمی ہمراہ لائیں۔
* اسٹیڈیم میں داخل ہونے کے لیے فزیکل میچ ٹکٹ (اصل میچ ٹکٹ کی ہارڈ کاپی) کا ہونا لازمی ہے۔آن لائن ٹکٹس پر اسٹیڈیم میں داخلہ ممکن نہیں ہوگا۔
* جن افراد نے آن لائن ٹکٹس بک کرائے ہیں وہ ٹی سی ایس کے مقرر کردہ مراکز سے اپنے فزیکل ٹکٹس حاصل کر سکتے ہیں۔
* تماشائیوں کو اسٹیڈیم میں کھانے پینے کی کوئی بھی چیز، مشروبات، گلاس، پلاسٹک بوتلیں، یا کوئی بھی نشہ آور اور ممنوع اشیاء لانے کی اجازت نہیں ہوگی۔
* کھانے پینے اور ریفریشمنٹ کی اشیاء اسٹیڈیم کے اندر لگے اسٹالز پر دستیاب ہوگی۔
ممنوعہ اشیاء میں آتشی اسلحہ، کھلونا بندوق، دھماکہ خیز مواد، آتشبازی، سگریٹ، میچ باکس، لائٹر، خواتین کے ہینڈبیگ، تیز دھار اشیاء (جیسے چاقو) اور دھاتی/لکڑی کی اشیاء شامل ہیں۔
* تمام تماشائیوں کو داخلی دروازوں پر سیکیورٹی چیکنگ سے گزارا جائے گا۔
* اسٹیڈیم کے احاطے میں سی این جی سلینڈر نصب شدہ گاڑیوں کے داخلے اور ہر قسم کے ڈرون کیمروں کے استعمال پر سخت پابندی ہوگی۔
اس موقع پر ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے شائقین کرکٹ سے درخواست ہے کہ وہ سیکیورٹی اہلکاروں کے ساتھ مکمل تعاون کریں اور میچ والے دن ٹریفک پلان کو فالو کریں تاکہ کسی قسم کی مشکلات سے بچا جا سکے۔ انہوں نے مزید کہا کہ سیکیورٹی انتظامات سندھ پولیس کی نگرانی میں سندھ حکومت اور دیگر متعلقہ اداروں کی مدد سے کیے گئے ہیں تاکہ تمام تماشائیوں کو محفوظ ماحول فراہم کیا جا سکے۔
