ایف ائی اے کی غیر قانونی ایکسچینج کے خلاف کاروائی ایک گرفتار بھاری مالیت کی کرنسیاں برامد

کراچی( )ایف آئی اے نے حوالہ ہنڈی اور غیر قانونی کرنسی ایکسچینج میں ملوث ملزم کو گرفتار کر کے کروڑوں مالیت کی ملکی و غیر ملکی کرنسی برآمد کر لی۔ایف آئی اے کارپوریٹ کرائم سرکل کراچی نے ملزم کو چھاپہ مار کارروائی میں طارق روڈ پر واقع جیولری شاپ سے گرفتار کیا۔حکام کے مطابق ملزم جیولری شاپ کی آڑ میں حوالہ ہنڈی کا کام کر رہا تھا ۔گرفتار ملزم کی شناخت باسط حسین کے نام سے ہوئی ہے جو کہ ڈی ایچ اے فیز ٹو ایکسٹینشن کا رہائشی ہے۔چھاپہ مار کارروائی میں ملزم سے 60 لاکھ روپے اور 35 ہزار امریکی ڈالر برآمد ہوئے ۔کارروائی میں موبائل فون اور حوالہ ہنڈی سے متعلق ریکارڈ بھی برآمد کیا گیا۔حکام کے مطابق ملزم برآمد ہونے والی کرنسی کے حوالے سے حکام کو مطمئن نہ کر سکا۔ملزم کو گرفتار کرکے تفتیش کا آغاز کر دیا گیاہے جبکہ دیگر ملزمان کی گرفتاری کے لئے چھاپے مارے جا رہے ہیں۔