ے این ایف نے مختلف کارروائیوں میں 12 ملزمان کو گرفتار کر کے 94 لاکھ سے زائد مالیت کی منشیات برآمد کر لی

ے این ایف نے مختلف کارروائیوں میں 12 ملزمان کو گرفتار کر کے 94 لاکھ سے زائد مالیت کی منشیات برآمد کر لی۔سپر ہائی وے کراچی کے قریب ملزم کے سامان میں چھپائی گئی 54 کلو چرس برآمد کر لی گئی۔فیصل آباد روڈ جھنگ کےقریب ملزم سے 10.8 کلو چرس برآمد کی گئی۔کھنہ پل اسلام آباد کے قریب گاڑی میں چھپائی گئی 6 کلو چرس برآمد کر کے 2 ملزمان کو گرفتار کر لیا۔بلوچستان میں زیرو پوائنٹ پسنی کے قریب گاڑی سے 6 کلو آئس برآمد کر کے دو 2 ملزمان کو گرفتار کر لیا گیا ۔جڑا روڈ جہلم کے قریب دو ملزمان سے 2.4 کلو چرس اور 1 کلو آئس برآمد کی گئی۔ایم ون موٹر وے اسلام آباد کے قریب مسافر بس میں سوار خاتون سے 2.4 کلو چرس برآمد کی گئی۔کہوٹہ روڈ اسلام آباد کے قریب موٹرسائیکل سوار کے قبضے سے 2.4 کلو چرس برآمد کی گئی۔حطار روڈ ہری پور میں ملزم سے 200 گرام چرس برآمد کر لی گئی۔گرفتار ملزم نے تعلیمی اداروں کے طلباء کو منشیات فروخت کرنے کا اعتراف کیا ہے۔لاہور انٹرنیشنل ایئرپورٹ پر دوحہ جانے والے مسافر کے پیٹ سے 98 آئس بھرے کیپسولز برآمد کیے گئے۔گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔