ڈپٹی کمشنر ضلع وسطی اور ایس ایس پی سینٹرل کی زیر صدارت غیر قانونی تعمیرات پر اہم اجلاس
اجلاس میں تمام اسسٹنت کمشنرز، ڈائریکٹر ایس بی سی اے جلیس صدیقی ، میونسپل کمشنرز، تمام ڈی ایس پیز،ڈائریکٹر ڈیمالیشن ایس بی سی اے سجاد، سوئی گیس اور کے الیکٹرک کی انتظامیہ نے بھی شرکت کی۔ اجلاس میں ڈائریکیٹر ایس بی سی اے نے ڈپٹی کمشنر ضلع وسطی اور ایس ایس پی سینٹرل کو بریفنگ بھی دی جس پر ڈپٹی کمشنر ضلع وسطی اور تمام اسسٹنٹ کمشنرز نے ایس بی سی اے کی کارکردگی پر عدم اطیمنان اور ایس بی سی اے کی کارکردگی پر تحفظات کا بھی اظہار کیا۔ڈپٹی کمشنر ضلع وسطی طحہ سلیم نے اجلاس سے خطاب کرتے ہوئے کہا کہ عید کی چھٹیوں میں بلڈرز مافیاءنے غیر قانونی تعمیرات کا منصوبہ بنا رکھا ہے جسکو ہم نے ناکام بنانا ہے عید پر بھی ایس بی سی اے کا تمام عملہ ، تمام اسسٹنٹ کمشنرز ، ٹاؤن انتظامیہ اور پولیس فیلڈ میں رہے گی اور کسی بھی جگہ پر غیر قانونی تعمیرات کی شکایت آنے پر اس بلڈنگ یا فلور کو ڈیمالیش کرایا جائے گا ڈپٹی کمشنر نے مزید کہا کہ متعدد عملہ ایس بی سی اے کا پوسٹنگ پر نہیں مگر انکا اثر و رثوق ابھی تک علاقوں میں قائم ہے جسکو فوری طور پر ختم کرنے کی ضرورت ہے ٹاؤن انتظامیہ کو بھی پابند کیا جاتا ہے انکے علاقوں میں غیر قانونی تعمیرات نہ ہوں۔ ڈپٹی کمشنر نے کہا کہ غیر قانونی تعمیرات شہر کا حسن اور انفرا اسٹرکچر خراب کر رہے ہمیں ان غیر قانونی پوشنز کی تعمیرات کو روکنے کے لئیے ہر ممکن اقدامات کرنے ہوں گیں انہوں نے ہدایت جاری کی کہ پہلے ان غیر قانونی تعمیرات کو سیل کیا جائے اور پھر انکو ڈیمالیش کردی جائے اور اسکی رپورٹ روز کی بنیاد پر جمع کروائی جائے ۔ ایس ایس ضلع وسطی زیشان شفیق صدیقی نے بھی غیر قانونی تعمیرات ہونے تمام ڈی ایس پیز کی بھی سرزنش کی اور کہا اگر اب کسی بھی علاقے میں غیر قانونی تعمیرات ہوئی تو اسکے ایس ایچ او کو تبدیل کردیا جائے گا غیر قانونی تعمیرات کو ختم کرنے میں پولیس اپنا کردادا کرے اور انتظامیہ کے ساتھ بھرپورتعاون کرے۔
