موچکو چیک پوسٹ پولیس کی حساس ادارے کے ہمراہ کاروائی۔ ۔کروڑوں روپے مالیت کے موبائل فون اور ڈیوائسزکی پاکستان اسمگلنگ ناکام

بلوچستان سے کراچی کے سنگم پر قائم موچکو چیک پوسٹ پولیس کی حساس ادارے کے ہمراہ بڑی کاروائی۔

کروڑوں روپے مالیت کے موبائل فون اور ڈیوائسز پاکستان اسمگل کرنے کی کوشش ناکام، پولیس حکام

اسمگلنگ کے لئے خصوصی طور پر تیار کی گئی ریو (Rivo) گاڑی پکڑی گئی، پکڑی گئی گاڑی کے خفیہ خانوں سے اسمگل کئے گئے 618 عدد قیمتی موبائل فون برآمد، گاڑی سے اسمگل شدہ نان پی ٹی اے آئی فونز کو چلانے والی 40 عدد ڈیوائسز بھی برآمد ہوئیں، پولیس کا کہنا ہے کے برآمد موبائل فونز میں 109 عدد آئی فون برآمد، 509 عدد اینڈرائڈ موبائل فون شامل ہیں، موبائل فونز اور ڈیوائسز بلوچستان کے راستے اسمگل کرکے کراچی پہنچائی جارہی رہی تھیں،

کسٹم حکام کے مطابق برآمد موبائلوں اور ڈیوائسز کی قیمت 50 ملین روپے سے زائد کی بنتی ہے،.دوران کاروائی اسمگلنگ میں ملوث ملزمان کو گرفتار کر لیا گیا، گرفتار ملزمان میں نور اللہ ولد غلام محمد اور محمد ہاشم ولد محمد فضل کو گرفتار کر لیا گیا،برآمدہ مال، گاڑی و ملزمان کو مزید کاروائی کے لئے کسٹم کے حوالے کیا جائے گا.