امریکی وزیرِ دفاع پیٹ ہیگسیتھ کا کہنا ہے کہ ایران نے حملہ کیا تو بھرپور جواب دیں گے، ایران نے حملہ کیا تو گزشتہ رات سے زیادہ سخت جواب دیں گے۔
پریس کانفرنس کے دوران امریکی وزیرِ دفاع نے کہا کہ ہم نے ایران کی جوہری سائٹس کو تباہ کیا، امریکا بار بار کہتا رہا ہے کہ ایران کو جوہری ہتھیار حاصل کرنے نہیں دیں گے۔
انہوں نے کہا کہ امریکا نے ایران کو بات چیت کے لیے 60 روز دیے، امریکا نے ایران کے جوہری پروگرام کو تباہ کر دیا، صدر ٹرمپ نے کئی بار کہا کہ ایران جوہری ہتھیار حاصل نہیں کر سکتا، فردو جوہری پلانٹ پر حملے میں شامل ہر امریکی اہلکار نے بے حد شاندار کام کیا۔
امریکی آپریشن میں کسی ایرانی فوجی یا شہری کو نقصان نہیں پہنچا، ایران کے جوہری عزائم خاک میں مل چکے ہیں، صدر ٹرمپ امن چاہتے ہیں اور ایران کو اس راستے پر چلنا ہو گا۔
