اے این ایف نے مختلف کاروائیوں میں 10 ملزمان کو گرفتار کر کے 2 کروڑ سے زائد مالیت کی منشیات برآمد کر لی

اے این ایف نے مختلف کاروائیوں میں 10 ملزمان کو گرفتار کر کے 2 کروڑ سے زائد مالیت کی منشیات برآمد کر لی۔اینٹی نارکوٹکس فورس کے مطابق کراچی میں یونیورسٹی کے قریب ملزم سے 500 گرام چرس برآمد کر لی گئی۔گرفتار ملزم نے تعلیمی اداروں کے طلباء کو منشیات فروخت کرنے کا اعتراف کیا ہے۔کراچی میں کوریئر آفس کے ذریعے نیوزی لینڈ بھیجے جانے والے پارسل سے 570 گرام آئس برآمد کر لی گئی۔لاہور انٹرنیشنل ایئرپورٹ پر دو مختلف کاروائیوں میں مسقط جانے والے دو غیر ملکی باشندوں کے پیٹ سے 69 کوکین بھرے کیپسولز برآمد کیے گئے۔لاہور میں کیولری گراونڈ مسعود انواری روڈ لاہور کے قریب گاڑی سے 2.1 کلو آئس برآمد کر کے 2 ملزمان کو گرفتار کر لیا گیا۔رنگ روڈ پشاور پر ملزم کے قبضے سے 1 کلو آئس برآمد کی گئی۔جبکک رنگ روڈ پشاور پر شاپنگ مال کے قریب کار سے 4 کلو ہیروئن برآمد کر کے 2 ملزمان کو گرفتار کیا گیا۔شیر شاہ ٹول پلازہ ملتان کے قریب کار کے خفیہ خانوں میں چھپائی گئی 3.120 گرام آئس برآمد کر کے ملزم کو گرفتار کیا گیا۔ڈیفنس روڈ لاہور کے قریب غیر ملکی باشندے کے ذاتی قبضے سے 20 گرام کوکین برآمد کی گئی۔گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔