ڈائریکٹرجنرل سندھ بلڈنگ کنٹرول اتھارٹی محمد اسحاق کھوڑو نے کہاہے کہ غیرقانونی تعمیرات کے خلاف منظم پلان کے تحت مہم چلائی جائے گی، رہائشی پلاٹس پر غیرقانونی اضافی منزلوں،پورشن، زیرتعمیر پروجیکٹس اورشہر کی پرانی کمرشل و رہائشی کثیرالامنزلہ عمارتوں میں تعمیراتی اصولوں کی خلاف ورزیوں کاخاتمہ کیاجائے گا، فہرستیں مرتب کرنے کی ہدایت،غیرقانونی تعمیرات کے انہدام سمیت ملوث افراد کے خلاف ایف آئی آر درج کروائی جائے،عوامی شکایات پر فوری ردعمل ہوگا۔تفصیلات کے مطابق ڈی جی ایس بی سی اے اسحاق کھوڑو کی زیر صدارت کانفرنس ہال میں ایک اجلاس منعقد ہوا جس میں تمام ڈسٹرکٹ کے ڈپٹی و اسسٹنٹ ڈائریکٹرزشریک ہوئے۔اس موقع پر انہوں نے اپنے خطاب میں کہاکہ غیرقانونی تعمیرات زیرتعمیرہو یاگزشتہ تین برس پرانی ہوں سب کے خلاف ایکشن ہوگا،ایسے تمام پبلک سیل نئے اور پرانے پروجیکٹس اوررہائشی و کمرشل پلازہ جہاں کٹ لائین پرغیرقانونی متجاوزتعمیرات ،ہنگامی حادثی انخلاء کے راستے، فائرسیفٹی آلات کی تنصیب اورکارپارکنگ کے استعمال کی خلاف ورزی کی گئی ہے بشمول ایسے رہائشی پلاٹس جنہیں غیرقانونی طورپرمختلف نوعیت کے کاروباری و تجارتی مقاصد کے لئے استعمال کیاجارہاہے ایسی تمام تعمیراتی بے قاعدگیوں کے خلا ف ایس بی سی اے کی نتیجہ خیز کارروائی کرے گی،کٹ لائین پر تعمیرات،کارپارکنگ اور ہنگامی انخلاء کی خلاف ورزی کے زمرے میں پروجیکٹ کی این او سی برائے تشہیرفروخت کی منسوخی اور قانونی بلڈنگ پلان کے مطابق ان تمام تعمیراتی سنگینوں کا خاتمہ کرکے شہری حقوق وسہولیات کی بحالی اور اجتماعی مفادات کاتحفظ یقینی جائے گا۔ ڈی جی ایس بی سی اے محمداسحاق کھوڑو نے کہاکہ اب جو بھی غیرقانونی تعمیرات ہوگی اس میں ملوث افراد کے خلاف متعلقہ افسر کی مدعیت میں ایف آئی آردرج کروائی جائے، غیرقانونی تعمیرات رہائشی پلاٹس پر ہو یاپروجیکٹس پر ہو اسے نہ روکنے کی ذمہ داری علاقے کے ڈپٹی واسسٹنٹ ڈائریکٹرپر عائد ہوگی جبکہ غیرقانونی تعمیرات اور انہدامی عمل سے متعلق ویجیلنس سیکشن کی رپورٹس میں تاخیروخامی ہرگز برداشت نہیں کی جائے گی ہراک اپنی ذمہ داری کا جوابدہ ہوگا،کسی بھی بدعملی میں ملوث افسرو اہلکار کو سخت محکمہ جاتی کارروائی کا سامناکرناپڑے گا۔انہوں نے ڈسٹرکٹ کے ڈپٹی ڈائریکٹرز کوسختی سے ہدایت کی کہ غیرقانونی تعمیرات کے حوالے سے عدالتی پیشیوں پرلازم اور وقت مقررہ پر حاضرہوں،معززعدالت کے احکامات کی تعمیل میں فوری کارروائی یقینی بنایاجائے بصورت دیگرادارے کی جانب سے کورعایت نہیں ہوگی،انہوں نے مزید کہاکہ کمپلینٹ پورٹل پر موصلہ شکایات کاسختی سے نوٹس لیاجائے اورایک ہفتے کے اندرکارروائی کو یقینی بناکر شکایت کاتدارک کیاجائے۔ڈائریکٹرجنرل نے اجلاس میں شریک تمام افسران کو ہدایت دی کے فوری طور غیرقانونی تعمیرات کے خلاف بڑے آپریشن کلین اپ کی تیاری مکمل کی جائیں اس سلسلے میں تمام ڈسٹرکٹ ڈائریکٹرز رہائشی پلاٹس پر غیرقانونی تعمیرات،استعمال اراضی کی خلاف ورزی اورپروجیکٹس میں کٹ لائین پرتعمیرات،کارپارکنگ اورہنگامی انخلاء کی خلاف ورزی میں شامل تمام فہرستیں مرتب کرکے پیش کریں۔
