کراچی( اسٹاف رپورٹر )معرکہ حق یوم تشکر کے موقع پر کراچی پولیس آفس میں قومی پرچم کو سلامی اور افواج پاکستان کی عظیم فتح کو خراج تحسین پیش کرنے کے حوالے سے ایک پروقار تقریب کا انعقاد کیا گیا۔آپریشن بنیان مرصوص میں افواج پاکستان کی تاریخی فتح اور شہداء کی لازوال قربانیوں کے اعتراف میں آج کراچی پولیس آفس میں یوم تشکر کی ایک پروقار تقریب منعقد کی گئی۔تقریب کا آغاز قومی پرچم کو سلامی سے ہوا پولیس کے چاق و چوبند دستے نے قومی پرچم کو سلامی پیش کی۔تقریب میں ڈی آئی جی ایڈمن کراچی، ڈی آئی جی انویسٹیگیشن ، اے ڈی آئی جی لیگل، اے ڈی آئی جی اسٹبلشمنٹ و دیگر سینئر پولیس افسران اور اہلکاروں نے شرکت کی۔اس موقع پر افواج پاکستان کے ساتھ اظہار یکجہتی اور ان کی قربانیوں کو خراج تحسین پیش کرتے ہوئے پولیس افسران نے کہا کہ شہداء کی لازوال قربانیاں قوم کا قیمتی اثاثہ ہیں اور ان کے طفیل آج ملک میں امن قائم ہے۔کراچی پولیس افواج پاکستان کے ساتھ مکمل یکجہتی کا اظہار کرتے ہوئے اس عظیم کامیابی کو پوری قوم کی فتح قرار دیتی ہے۔
