کیماڑی پولیس نے ایک کروڑ سے زائد رقم کی ڈکیتی میں ملوث ملزمان سمیت قاتل اور منشیات فروش ملزمان گرفتار کر لئے ،بیس لاکھ سے زائد رقم،اسلحہ و منشیات برآمد 

کیماڑی پولیس نے ایک کروڑ سے زائد رقم کی ڈکیتی میں ملوث ملزمان سمیت قاتل اور منشیات فروش ملزمان گرفتار کر لئے ،بیس لاکھ سے زائد رقم،اسلحہ و منشیات برآمد

ایس ایس پی کیماڑی فیضان علی نے پریس کانفرنس میں بتایا کہ ڈاکس کے علاقے فشریز میں واردات ہوئی تھی جس میں کورین کمپنی کےایک کروڑ باون لاکھ سے زائد رقم لوٹی گئی تھی،واردات میں کمپنی کے تیرہ چیکس بھی لوٹ لیے گئے تھے،ہم نے سڑکوں پر لگے کیمروں کے علاوہ بینک کے فوٹیجز بھی حاصل کیے،شاہ رخ عرف شہروز کو اتحاد ٹائون اور دوسرا ملزم عثمان غنی کو کورنگی سے گرفتار کیا،اب تک اس کیس میں بیس لاکھ روپے کی ریکوری ہوچکی ہے ،دیگر پانچ ملزمان کے بارے میں تفصیلات مل گئی ہیں دیگر ملزمان میں نظرو ، صابر ، عادل اور سہیل عرف بنگالی شامل ہیں جن کی گرفتاری کے لیے چھاپے مارے جارہے ہیں۔

دوسری کاروائی میں نو اگست کو گریکس کے علاقے میں ڈکیتی مزاحمت پر جمیل نامی شخص جاں بحق ہوگیا تھا اس میں جائے واردات سے ہمیں ایک موٹر سائیکل بھی ملی تھی ،ملزم پولیس یونیفارم میں ملبوس تھا ، اس کیس میں دو ملزمان گرفتار کرلیے گئے ،جمیل کی طارق روڈ پر کرنسی ایکس چینج کی دکان تھی،ملزم جمیل کی دکان پر بطور سیکیورٹی گارڈ ملازمت کرتا تھا،ملزم نے اپنے ساتھیوں کو فون کرکے بتایا کہ جمیل رقم لے کر نکل چکا ہے ،دونوں ملزمان کو جیل بھیج دیا گیا ہے۔

تیسری کارروائی سیمنز چورنگی کے قریب کل رات کو کی جس میں اکیس کلو چرس برآمد کی گئی،کل رات کو ہی ایک گاڑی سے اسنیپ چیکنگ کے دوران کلاشنکوف اور پستول سمیت چار ہتھیار اورایمونیشن بھی ملا،اکبر نامی شخص کو ڈیلیوری دینا تھی،ملزم شہزاد سمیت دو خواتین نصرت اور مختار اں بی بی کو گرفتار کیا گیا ،اس کی تحقیقات میں سی ٹی ڈی اور دیگر اداروں کو بھی انوالو کیا ہے،مزید تفتیش جاری ہے۔