کراچی کے علاقے تھانہ نیپئر کی حدود میں ڈسٹرکٹ سٹی پولیس اور حساس اداروں نے مشترکہ کارروائی کرتے ہوئے خالی پلاٹ سے 5 مارٹر گولے اور 5 موٹر فولڈر برآمد کرلیے۔
ترجمان پولیس کے مطابق کارروائی جمال شاہ اسٹریٹ، کوثر پیٹرول پمپ کے عقب میں موجود خالی پلاٹ میں کی گئی۔ پولیس کو مخبر خاص کے ذریعے اطلاع ملی تھی کہ پلاٹ میں دھماکہ خیز مواد دفن ہے۔
اطلاع پر حساس ادارے اور نیپئر پولیس نے موقع پر پہنچ کر کھدائی کی، جس کے دوران مارٹر گولے اور موٹر فولڈر برآمد ہوئے۔ بم ڈسپوزل اسکواڈ کو فوری طور پر طلب کرکے موقع کا معائنہ کرایا گیا۔
پولیس نے مقدمہ درج کرکے مزید قانونی کارروائی شروع کردی ہے۔
